Coffices i Bergen: Christie café (Godt brød)

Ope: 10-15 (mån til fre)
Muséplassen 3, inngang frå Olav Ryes vei

Internett: Ja
Storleik på borda: God, både vindaugsbord og større bord
Stikkontakter: Ja
Atmosfære: Står pil til disputas i eit anna rom, ei gruppe menneske minglar i nærleiken, god stemning
Dagens kaffe: 34,-

Det var tilfeldig at eg kom innom den nyopna Christie café i etasjen under universitetsaulaen. Eg var eigentleg på veg heim, men så stod det eit skilt som vekka mi nysgjerrigheit: «Godt brød – velkommen til vårt matverksted». Eg forstod ikkje heilt kva verksted ville tyde, og gjekk difor inn i muséhagen og opp og inn i bygget.

Det viser seg at cafeen opna i går. I dag er det tydelegvis disputas i aulaen, og på eit tidspunkt stimer folk saman i lokalet. Det verkar som alt gjekk bra, for eg høyrer gratulasjonar bak meg. Dessutan er det høg applaus på eit tidspunkt. Cafeen har elles ikkje nokon bakgrunnsmusikk.

Noko matverkstad oppdagar eg ikkje, men Christie café viser seg altså å vere Godt brød. Eg har ikkje tidlegare meldt Godt brød i denne serien, fordi dei, i alle fall ved Vaskerelven, har skilt på borda om at ein ikkje skal sitje der og studere. Enno står det ingen slike skilt her, og det var veldig fine vindaugsplassar med stikkontaktar under benken som passer ypparleg til jobbing. Men det spørst om det vil halde fram med å vere ein stad der det er greitt å jobbe. 

Det er eit flott, ope lokale med internett og gode bord, så alt ligg til rette for at dette er eit bra coffice, utanom opningstida som er veldig kort (10-15). 

Uansett var det ei hyggeleg overrasking å plutseleg ende opp her inne, og det er ikkje dumt å kunne sjå utover muséhagen, når eg løftar blikket frå dataskjermen. Dessutan er eg blitt veldig glad i universitetet og studentliv, så det gjer sikkert at eg trivst litt ekstra godt. 

(Dette er femtande kafé i serien Coffices i Bergen)

Coffices i Bergen: Colonialen i Strandgaten

Ope: 8–18 (laur: 10–18)
Strandgaten 18, 5004 Bergen

Internett: Ja
Storleik på borda: God, men nokså få bord
Stikkontakter: Ja
Atmosfære: Radio i bakgrunnen og mange bakervarer = god stemning
Dagens kaffe: 42,-

image

Colonialen i strandgaten hadde eg ikkje tenkt på at kunne vere eit Coffice, men dei har både internett og stikkontakter. Med store vindaugsflater til gata, er det eit ope og lyst lokale. I tillegg er det fullt av fristande bakervarer på disken, og eit stort utval drikker og grønsaker. Det er berre to, nokså store bord i lokalet, i tillegg til vindaugsplassar. På starten av dagen gjekk det fint å okkupere eit bord, men det kan vere det vil kjenst meir malplassert seinare, om det blir stort press på borda. Men det er muleg å kjøpe presskanne med kaffi, så då har ein i alle fall kaffi for ei god stund. 

I bakgrunnen stod radioen på. Folk kom og gjekk, fleire skulle berre kjøpe noko utan å bli sittande. Det var stas å sitte på ein skikkeleg kolonial, men litt skummelt òg, sidan det var lett å få lyst på det meste dei hadde (prisane var ikkje låge). 

image

Denne gongen hadde eg to ekspertkommentatorar, L og V:

L: Eg likte korsen da ser ut, lokalet, og opne, store vindu. Var innom ein gong, og då såg eg ein tv2-kjendis.

V: Det må du få med, Sunniva.

V: Kult rom, sted, fin løsning, spennende, føles litt som om man er i New York eller København (har ikke vært der da, men)*

L: Barnevennlig, med barnestol.

V: Lyst og trivelig, enkelt og elegant, gjør seg med plantene. Moderne.

*V meiner det er viktig å presisere at han har vore i NY, det er berre i KH han ikkje har vore. 

image

I tillegg til desse positive kommentarane, såg det òg ut til at dei båe fekk jobba godt der. 

Eit ekstra pluss – for reisande mennesker: Dei hadde det som såg ut som eit internasjonalt støpsel.

Minus er prisane, at det er litt få bord og er du ein frysepinn kan det vere lurt å ikkje sitte like ved døra. 

(Dette er fjortande kafé i serien Coffices i Bergen)

image

Coffices i Bergen: Amalies hage

Ope: Til same tid som resten av Bergen offentlige bibliotek (sjekk tidspunkt)
Strømgaten 6, 5015 Bergen (inne i sjølve biblioteket, inngang ovenfor storsenteret)

Internett: Ja, men litt vanskeleg å få logga seg på
Storleik på borda: Bra, for det meste runde.
Stikkontakter: Ja.
Atmosfære: Litt meir snakkesalig enn på biblioteket elles, men roleg bakgrunnsmusikk. Bokhyller er alltid fint for atmosfæren.
Kaffe: 29,-

image

Eg var spent då eg høyrde at det var komme ein ny kafé på biblioteket, og den må ha poppa opp i løpet av svært kort tid, for det er ikkje lenge sidan eg sat same stad, og då var det berre arbeidsbord og bokhyller rundt. No var det disk med croissanter og kaker på, bakom var skapa fulle av glas og likørar og fat og fjøler.

Utanfor var bergenssommaren med kraftige regnskurar og mjølkekvit himmel. Kafeen var godt besøkt, både av barn og vaksne.

Internettet verka lunefullt, og eg veit ikkje heilt om eg klarte å logge meg på eller ikkje. Eg forsøkte med lånekortnummeret mitt, men fekk feilmelding om at dei ikkje klarte å finne MAC-adressa mi – og det, fann eg ut, har visst ikkje noko med å gjere at eg sit på ei Mac-maskin, forvirrande nok. Så fekk eg visst internett likevel, utan at eg veit heilt korleis, og då fungerte det fint.

Etter kvart kom det på litt stemningsfull jazz, som la seg roleg i bakgrunnen. Og det var ei god oppleving å vere på cafeen, men eit stort minus er at det kostar fem kroner å gå på do. 

image

Ekspertkommentar frå V:

– Føles bra. Lett og luftig, også ligger det sentralt og midt i et bibliotek. Det er fint med bøkene rundt og at det er mange forskjellige typer folk her. Det er kanskje ikke kjempelett å få den dypeste konsentrasjonen, men føles som et livlig sted, mye som skjer, og det er bra.

– Det er morsomt at de serverer bagels, og andre hippe ting. Jeg har en fordom om at bagelsene ikke nødvendigvis er de beste, men så leste jeg jo tidligere i dag at til og med ikke i California klarer de å lage like gode bagels som i New York så … Men hvem vet.

(Dette er trettande kafé i serien Coffices i Bergen)

image
image

Coffices i Bergen: BKB Vågen

Ope: 9–18 (laur&søn: 10–18)
Kong Oscarsgate 10, 5017 Bergen

Internett: Nei
Storleik på borda: Grei
Stikkontakter: Nokre få
Atmosfære: Litt bråkete musikk til tider, elles fin stemning
Dagens kaffe: 30,- 

image

Utafor er det skikkeleg bergensvêr. Det er haust, og godt å få komme inn i varmen. 

Etter at eg byrja på mitt Coffices i Bergen-prosjekt, har eg høyrt svært mykje om Vågen Fetevare. Men denne kafeen var lagt ned før eg starta med meldingane mine. Når eg då fekk vite at BKB hadde flytta inn i dei gamle lokala til Vågen Fetevare, var eg spent på å vitje staden – spesielt sidan eg treivst veldig godt på Bergen kaffebrenneri ved Nygårdsparken. 

Tidleg på formiddagen er det roleg i lokalet. Rommet strekkjer seg langt innover. Her er stol og bord, eller du kan runde hjørnet og sette deg i ein sofa. Eg syntest eg overhøyrde nokon som sa at her kunne ein ta med seg eigen mat. Det er i så fall eit pluss. 

image

Det største minuset her var at det ikkje var internett. Men då er det verdt å merke seg var, for no skal både BKB Vågen og BKB på Møhlenpris ha komme over i dataalderen. Hurra! 

Ekspertkommentator, June, kjem med følgjande kommentarar:

Fint å sitte og jobbe, litt støyete. Litt irriterende musikk av og til. 

Bra do! Men kunne vært skilt på den, gikk inn på lager først. Alt i alt bra. 

image

Musikk spelt over anlegget: 

New Slang – The Shins
Alleyway – Life In Film
Going Out – Hospitality

Coffices i Bergen: Dromedar

Her kjem det første gjesteinnlegget på denne bloggen! Stolt over å kunne publisere denne meldinga av Ingrid Dyrkolbotn:

Som arbeidssøkende har jeg mange timer tilgjengelig, og likerå fylle dem med innhold i form av kaffe og mennesketitting. Så i dag har jeg
testet Dromedar på Galleriet for Sunniva.

Internett: Ja!
Størrelse på bordene: Ganske små, men plass til kaffe. Og
bolle om du vil slå deg løs!

Stikkontakt: Ja, om du er villig til å krype litt under
benken du sitter på.

Atmosfære: Litt gjennomtrekk, men jeg glemmer at jeg sitter
på et kjøpesenter.

Dagens kaffe: 26 kroner for liten kopp, 35 for stor. Jeg
gikk for cappuccino, den kostet 37 for liten.
Vil tippe den store svir mer i lommeboken.

Dromedar har i alle år vært en skjult perle i gågaten i
Bergen, men nå har de åpnet en filial til på Galleriet. Jeg skal ærlig talt si
at jeg ikke var helt sikker på hva jeg ville føle vedrørende deres ankomst i en
materialistisk institusjon som galleriet – og som alle andre kjøpesentre
er.  

Dromedar byr på interessante stol- og bordløsninger. Stål,
finér- og benkeplater skjært til for å passe inn i et smalt og relativt lite
lokale. Det ser både fint og kanskje litt rotete ut. Om man vil sitte litt i
fred kan man velge en bås, men sidemannen er ikke lengre enn en finérplate
unna. Men man skal ikke kimse av det fine med å ikke se, men bare høre en fremmed
sidemann.

Et kjøpesenter gir fort høy puls, da hjelper det at Dromedar
byr på musikk fra både Highasakite og Susanne Sundfør. Jeg får i alle fall
slappet av blant lyden av venner på lunsjdate og folk i dress som jakter edle
dråper mens de haster fra et sted til et annet.

Selv om Dromedar gjør sitt ytterste for at jeg skal trives
med god musikk og kaffe, så er det noe med stedet – jeg vil påstå at stol- og
bordløsningene er finere å se på enn å sitte på.  Dessverre! Dromedar Galleriet passer rett og
slett best for kortere kaffemøter og take-away kaffe. Men det var et fint sted
å se på mennesker til tresmaken satt seg i baken.

 PS: Det er ikke så mørkt på Dromedar som bildene tilsier.
Jeg glemte bare å skifte filter.

– Ingrid Dyrkolbotn

Coffices i Bergen: Litteraturhuset

Ope: måndag 12.00-18.00
tys – tors 12.00-19.00
fredag 12.00-18.00
laurdag 11.00-17.00
søndag – stengt

Østre Skostredet 5–7

Internett: Ja
Storleik på borda: God! Spesielt inne i Fossestova
Stikkontakter: Ja
Atmosfære: Stille, roleg, avslappande og fint
Kaffe: 32,- (påfyll: 10,-)

image

Eg har sjølvsagt vore innom Litteraturhuset ved fleire høve, og eg har kjøpt bøker i det som no er ein uavhengig bokhandel. Eg tenkte at det nok var fint å jobbe her, men då eg kom til staden, var det endå betre enn eg hadde venta.

Ikkje berre var det lett å koble seg på internett, og finne stikkontakt. I tillegg var det opent inn til Fossestova, med store, gode bord, stikkontakter og masse bruktbøker langs veggane. For ein stad å jobbe på! 

I hyllene her inne kan ein finne gamle “Vinduet”-utgåver, og leite gjennom hyllene av brukte bøker etter spanande nye opplevingar. I bakgrunnen kan ein høyre småsnakk om bøker frå bokhandelen. Viss ein er litt uheldig, så er det nokon som øver på rock i bygget ved sidan av. 

For ein person som ikkje drikk kaffi, er det svært fint at det går an å sitte her utan å kjøpe noko. Men det er òg muleg å gå inn på kafeen, og kjøpe kaffi der. Om du vil sitte med masse folkesnakk rundt deg, er kafeen staden. Inne i bokhandelen er det ikkje musikk. Det er stille og roleg. Noko som passer meg fint. 

image

Svært positivt overraska over kor enkelt og fint det var å arbeide her. Trur nok eg vil ta turen fleire gongar. Vil du bli med? 

(Dette er ellevte kafe i serien Coffices i Bergen)

Coffices i Bergen: Aura

Ope: 8.00 – 20.00 (laur: 9 – 19, søn: 10 – 20)
Marken 9, 5017 Bergen

Internett: Ja, men litt treigt
Storleik på borda: God, men nokre bord litt ustødige
Stikkontakter: Ja
Atmosfære: Litt kantineaktig, men hyggeleg
Dagens kaffe: 25,- (påfyll 10,-) 

image

Aura er ein veldig triveleg kafé i ein veldig koseleg del av Bergen (Marken). Har vore her fleire gongar, i regn og i sol. Det er eit ope lokale, litt kantineaktig, men hyggeleg. Fin stad for å arbeide, med enkel tilgang til kontakter, og hyggeleg musikk. Dessutan er det gjerne ledige plassar. 

Ekspertkommentator J: “Veldig behagelig å jobbe her, behagelig musikk, både lyd og type, litt dyrt kanskje … Lyst og fint”

Musikk spelt i bakgrunnen

Musikk: Babylon – David Gray

Elegi – Lars Winnerbäck

Sunrise – Norah Jones

image

image

image

(Dette er tiande kafe i serien Coffices i Bergen)

Coffices i Bergen: Starbucks i Neumanns gate

Ope: 07.00 – 21.00 (laur: 09.00 – 19.00, søn: 10.00 – 19.00)
Denne Starbucksen er så ny at han ikkje ein gong er å finne på Starbucks’ eigne sider, men han ligg i Neumannsgate, der Sumo låg før, like ved Godt brød i Vaskerelven.

Internett: Ja
Storleik på borda: Ok, ikkje store, ikkje små
Stikkontakter: Ja, mange
Atmosfære: Koseleg & stileg
Dagens kaffe: 27,-

image

Kven skulle trudd? Starbucks har komme med ein ny kafé i Bergen, og det er nesten flaut å innrømme det, men det er ein fin stad å arbeide. Kanskje ein av dei stadene i Bergen som faktisk har det ein treng: Både stikkontakter OG internett. Det er faktisk ikkje så mange Coffices i Bergen som har dette. I tillegg gir opningstidene deg stort spelerom til å velje kva tid du ønskjer å arbeide. 

Skal eg halde fram med mi Starbucks-lovprising? Litt meir: På veggen like innanfor døra er skrifta malt rett på veggen. Vi gjekk forbi ein dag det var ein målar der, som heldt på. Skrifta var prosjektert på veggen, så det er ikkje skikkeleg hardcore veggmåling, men det er i alle fall ikkje vinyl.

Og i tillegg speler dei fin musikk. Ein gong eg var innom spelde dei “I will be light” av Matisyahu. 

Noko negativt er det sjølvsagt: 

Litt harde stolar. Og det er ein stor kjede. Det tel svært negativt. Eigentleg burde eg ikkje hatt lov til å vere så positiv til dei. Men diverre er eg det altså. Når det kjem til ein stad å arbeide, som er både varm, romsleg og lett tilgjengeleg, scorar denne staden høgt. Dersom dette skulle bli ein svært populær stad, vil det bli mindre roleg, så det kan bli negativt.

I forhold til mi melding av Starbucks i kjøttbasaren, scorar denne Starbucksen mykje høgare. 

image

Musikk spelt over høgtalarane: 

Team – Lorde

I Really Need Love – The Bees

El Tren – Natalia Clavier

Fleeting One – First Aid Kit

Ink – Coldplay

I Believe In All The Things You Don’t – Bernhoft

(Dette er niande kafe i serien Coffices i Bergen)

Coffices i Bergen: Nobel Bopel

Ope: 11.30 – 18.00 (NB! Berre tors – søn)
Welhavens gate 64, 5006 Bergen

Internett: Ja
Storleik på borda: God
Stikkontakter: Ja
Atmosfære: Hipt og triveleg
Dagens kaffe: 25,- (påfyll 10,-) 

image

imageEg blei overraska då eg kom til Nobel Bopel ein torsdag i lunsjtider. Eg hadde trudd at det ville vere fullt her, fullt av folk som ønska å ete lunsj. Men inne var det tomt. Ferske kvistar med kvite blomar på borda. Roleg musikk i bakgrunnen. Ei kvinne bak disken. Alt kjendest veldig roleg når eg sette meg ned. 

image

Eg hadde byrja å få litt motforestillingar mot kafeen, for han har blitt kåra til Bergens Beste kafé og eg har alltid drøymt om å komme hit for å arbeide, men så har det aldri passa. Dei har jo berre ope frå torsdag til søndag. Nettopp dette at kafeen har så sjeldan ope har fått meg til å spørje meg sjølv om det kan vere eit skikkeleg Coffice, for det er ikkje sånn at ein berre arbeidar torsdag til søndag. Men eg må innrømme at eg blei betatt av staden då eg først sat ved eit av borda, høyrde sildringa frå vasken bak disken (kanskje var det oppvasken som var på gong) og regnvêret sildra utafor. 

Etter kvart kom fleire og fleire folk, det blei meir bakgrunnsstøy. Stemninga var heile tida triveleg. 

image

Eg hadde med meg ein kaffidrikkande M som ekspertkommentator denne gongen: “Lyst og fint og behagelig arbeidsbord, sånn jobbmessig. Kanskje, hvis det er mye folk her, blir det fare for bråk. Men lyst og fint, ja. Hyggelig. Ikke den største kaffekoppen, men god … var kaffe, vanlig kaffesmak. Hyggelig med blomster, det gjør seg.”

Og kaféspesialisten A skriv dette om NobelBopel: “tidligere kåret til beste sted å jobbe. Ligger litt avsides, men veldig bra for de som bor i området. Gode supper 🙂 Jeg liker å ha muligheten til å raskt  kunne gå et annet sted dersom det viser seg at en kafé er full – eller plutselig stengt for dagen.”

Pluss: Store bord, fin stemning. God tilgang til straum&internett. 

Minus: Upraktiske opningstider. Liten kaffekopp (men svært søt kaffikopp og 10,- for påfyll, så ikkje eit veldig stort minus)

image

Musikk spelt over anlegget:

Nightcall (LG Re-Edit) – London Grammar
Metal & Dust – London Grammar
Flickers – London Grammar
Darling Are You Gonna Leave Me – London Grammar
I Can’t Make You Love Me / Nick Of Time – Bon Iver

image

image

(Dette er åttande kafe i serien Coffices i Bergen)

Coffices i Bergen: Bergen kaffebrenneri

Opent: 08.00 – 19.00 (laur&søn: 12 – 19)
Thormøhlensgate 45, 5006 Bergen

Internett: Nei
Storleik på borda: God 
Stikkontakter: Ja
Atmosfære: Fin
Dagens kaffe: 30,-

image

Eg var veldig spent då eg skulle av garde til Bergen kaffebrenneri, for eg hadde ikkje høyrt om staden før og det er alltid ekstra kjekt å oppdage nye stader. Og det kjendest verkeleg som om eg var på nye eventyr då eg gjekk gjennom Nygårdsparken i solskin, før eg kom til veggen på biletet over. Eg hadde aldri tenkt over at det kunne ligge ein kafé her. Men jau, rundar ein hjørnet, er det denne koselege staden ein ser: 

image

Det var som å oppdage ei perle som har vore skjult.

Så til saka, korleis var det å bruke denne staden som eit Coffice? 

Det var koseleg, fin stemning. Triveleg bakgrunnsmusikk. Det var skinnsofa og ein gamal fløyelssofa, i tillegg til nokre større bord med stolar. Klokka ti, då eg sat der, var det roleg, passeleg renn av folk som ville ha formiddagskaffen sin. Men så er det sjølvsagt ein del bråk frå brenneriet. For her leikar dei ikkje kaffi, skjønar eg. Av og til høyrdest det ut som ein stri foss, andre gongar fylte knitring lokalet. Det gjekk an å leve med støyen, eg klarte å fortape meg i arbeid, men dette vil variere frå person til person. Det er ikkje den mest stillferdige staden. 

image

Pluss: Stilig lokale. Fint høgt bord å sitte og arbeide med. Triveleg musikk. Fann eit Vagant-blad som det var kjekt å lese i.

Minus: Ein del bakgrunnsstøy. Inga internett. 

Ekspertkommentator J seier at dei har veldig bra te. Te med ferske mynteblad. Alt er reindyrka. Det er bra. I starten var det irriterande med musikken, men så fungerte det. Minus med internett. Alt i alt veldig bra. Behageleg atmosfære. 

image

Utover dagen skifta musikken. Då eg først sat der var det tydelegvis ein cd av Hanne Hukkelberg som blei spelt. Etter kvart var det meir variert musikk: 

Searching – Hanne Hukkelberg
Little Girl – Hanne Hukkelberg
Cast Anchor – Hanne Hukkelberg
Gloria – Umberto Tozzi
Don Henley – The Boys of Summer

(Dette er sjuande kafe i serien Coffices i Bergen)